مع الاعتذار لبراد بيت
في الأسئلة السابقة اللي اقترح الصديق كريم في البلوج بتاعه اني اجاوبها اخترت اني اتعشى مع براد بيت لأن السؤال بيقول لو ممكن تختار أي حد في الدنيا؟ ولان الدنيا دي كبيرة وواسعة يعني الواحد ممكن يسيب خياله يشطح ويقول اللي في نفسه حتى لو مستحيل يتحقق.
لكن اختياري لبراد بيت ضايق جوزي خاصة وانه مسافر وواحشني جدا بس حس انه مش واحشني وبالعكس انا مبكتبش كتير وبابقى مخنوقة غير لما هو بيبعد وبيسافر رغم انه مش مسافر وقت طويل.
المهم انا فكرت اكتب المدونة دي عشان اصالحه واقوله ان اختياري لبراد بيت ده كان نوع من الخيال لكن طبعا اتمنى عشاء رومانسي معاه.
ومعلهش يا براد هاعوضهالك مرة تانية خاصة انك مشغول دلوقتي مع بنتك اللي لسه مولودة وكنت هتحطني عالويتينج ليست وانا بصراحة ماتحطش ويتينج ابدا.
يبقى خلينا في اللي نعرفه واللي بيحبنا واللي مهتم بينا والا ايه رأيكوا.
في الأسئلة السابقة اللي اقترح الصديق كريم في البلوج بتاعه اني اجاوبها اخترت اني اتعشى مع براد بيت لأن السؤال بيقول لو ممكن تختار أي حد في الدنيا؟ ولان الدنيا دي كبيرة وواسعة يعني الواحد ممكن يسيب خياله يشطح ويقول اللي في نفسه حتى لو مستحيل يتحقق.
لكن اختياري لبراد بيت ضايق جوزي خاصة وانه مسافر وواحشني جدا بس حس انه مش واحشني وبالعكس انا مبكتبش كتير وبابقى مخنوقة غير لما هو بيبعد وبيسافر رغم انه مش مسافر وقت طويل.
المهم انا فكرت اكتب المدونة دي عشان اصالحه واقوله ان اختياري لبراد بيت ده كان نوع من الخيال لكن طبعا اتمنى عشاء رومانسي معاه.
ومعلهش يا براد هاعوضهالك مرة تانية خاصة انك مشغول دلوقتي مع بنتك اللي لسه مولودة وكنت هتحطني عالويتينج ليست وانا بصراحة ماتحطش ويتينج ابدا.
يبقى خلينا في اللي نعرفه واللي بيحبنا واللي مهتم بينا والا ايه رأيكوا.
posted by Hanouma @ 6:00 AM
4 Comments:
At 9:36 AM,
Unknown said…
إخص عليكي ... كده تكسري بخاطر الواد براد الغلبان ... إخص على بنات حوا
At 1:34 PM,
Ahmed Shokeir said…
برافو عليكي
قال ويتينج ليست قال
عموما انا هاتعشى مع أنجيلينا جولي بس بس مافيش ويتنج ليست .. فيه بلاك ليست
At 12:04 AM,
KareemFromEgypt said…
by the way you chose mr pitt as a lover not a dinner guest, that's what you wrote, don't know if i could let my partner read my blog, well it depends 3al content but i thought you wrote about old stuff, is he comfortable with reading about your old experiences wala dih fe3lan hekayaat?
At 2:59 AM,
Hanouma said…
بالنسبة لحكاية جوزي بيقرا المدونة دي أنا هارد على كل التساؤلات:
أولا لمدونة دي اتعملت عشانه عشان هو يقراها لأنه كان بيتابع المدونات ولقيتها فرصة اني اوصله اللي انا عيزاه بطريق غير مباشر. وهو بدا يتابع كتاباتي فيها لما يلاقيني وخنوقة ومتغيرة وده كان في فترة انعدم فيها التواصل بيننا بسبب انه مشغول جدا ومعندوش وقت لينا رغم اننا قبل ما نتجوز كنا اصحاب جدا وbest friends كمان.
وفضلنا فترة لكن بعد كده اتشغل بالشغل والحياة لزوجية اللي كانت سعيدة ومبنية عالحب تحولت لحياة روتينية تماما ومملة وبقينا زي كل الازواج.
ولذلك كان لازم يبقى فيه حجر يحرك المياة الراكدة وهو كان بيتابع موضوع البلوجات دي ومهتم بيها اوي، لقيتها فرصة اني ارمي الحجر ده.
ولأن جوزي كوول جدا وعاقل فضل فترة بيتابع وساكت ومش بيتكلم لحد ما اتكلمنا في الموضوع بصراحة ورجعنا زي زمان اصحاب وحبيبين أكتر من زوجين عاديين. ولما بيلاقيني مخنوقة بيحاول يعرف من البلوج فيه ايه.
بسي حكايتي مع جوزي ومع البلوج. وبالنسسبة لسؤال كريم دي حكايات والا ايه؟ هي جزي منها حصل فعلا بس فيه بعضها انا اضفت له خيالي ولان جوزي كان صديقي جدا قبل الجواز وقبل ما نحب بعض فهو عارف بعض الحكايات وبيقدر يميز الحقيقة من الخيال وهو بصراحة بيتمتع بعقل كبير وراجح ومش بامدح فيه عشان بيقرا البلوج لكن فعلا هو بيستحملني بطفولتي ومشاكلي وبيحيني بجد.
وربنا يستر بقه محدش يحسدنا.
Post a Comment
<< Home