اكتشاف الحقيقة شيء صعب جدا....
أمي الله يرحمها كانت دايما تقولي متدوريش بلاش تدوري ورا حاجة بتوجعك... خليكي عايشة في الخيال ومفيش احسن من انك تبات مخدوع ولا عارف الحقيقية... وكانت دايما بتستشهد بآية قرآنية بتقول:
بسم الله الرحمن الرحيم:" يا أيها الذين آمنوا لا تسئلوا عن أشياء ان تبد لكم تسوؤكم" صدق الله العظيم.
وكان عندها حق رحمها الله... انهارده بس اتأكدت انه كان بيكدب عليا مع إن الموضوع مش مستاهل... طب ليه عمل كده؟ ليه ادعى انه عاوز يعمل كده ومش لاقي وقت؟ نفسي الاقي رد يريحني. يمكن عاوز شوية خصوصية؟ يمكن عاوز حاجة ما عرفهاش؟ طب مانا معرفش هو بيعمل ايه في يومه، ده لو حتى حب يعمل واحد والا يرافق، انا هاعرف منين؟ طول اليوم بره وبراحته، محدش بيسأله ولا يحاسبه؟
كان فاكر اني مش هاعرف ولا اكتشف ازاي... صعب بعد كل العشرة اللي بيننا دي معرفوش... دانا اقراه وانا مغمضة واعرفه بوداني مش بعنيا بس.

دي نتيجة الحرية والليبرالية اللي كنت فاكرة اني لقيتها اخيرا.
على فكرة مفيش ليبرالية حقيقية ولا عندي انا حتى. ميرسي وسلملي عالحرية في بلد الديمقراطية...
نفسي اواجهه وخايفة... مش خايفة منه لكن خايفة من اللي هيقوله أو هنقوله لبعض...